Italiyada mavsumni qayta boshlashning rejasi aniq bo'ldi

Italiya bosh vaziri Juzeppe Konte 4 may sanasidan karantin bog'liq choralar yumshatila boshlashini ma'lum qildi. Lekin sentyabrga qadar maktablar ochilmaydi, shuningdek, 2021 yilgacha stadionga tomoshabinlar kiritilmaydi.

«Mamlakatda biznesning katta qismiga, ishlab chiqarishdan tortib qurilishgacha, 4 may kuni ruxsat berish ustida ishlayapmiz. Bundan ortiq o'zini yakkalash rejimini uzaytira olmaymiz. Aks holda mamlakatning ijtimoiy-iqtisodiy tizimi buzilib ketadi», — dedi Konte "Football Italia" nashriga bergan intervyusida.

Italiya klublari 4 may kuni mashg'ulotlarni boshlashi kutilmoqda. Ammo jamoaviy mashg'ulotlar 18 may kunidan erta boshlanmaydi. Avvalroq A seriya o'yinlari 31 may kuni qayta boshlanishi mumkinligi haqida xabar tarqalgan edi. Ushbu muddat iyun oyiga surilishi mumkin.