Kapello: «Men Ibrahimovichni futbol quvonchidan mahrum etgan edim»

Italiyalik murabbiy Fabio Kapello 2004 yilda «Ayaks»dan «Yuventus»ga o'tgan hujumchi Zlatan Ibrahimovich bilan birga ishlagani haqida o'z fikrini bildirdi.

«U g'ururli va aniq maqsadli futbolchi edi. Qanday qilsa unga yaxshi bo'lishi mumkinligi haqidagi maslahatlarni u to'g'ri qabul qilardi. Men esa u o'yinning estetik jihatiga kamroq e'tibor qaratishini, ko'proq samarali harakat qilishini istardim.

Men undan futbol quvonchini olib qo'ydim, lekin u o'z texnikasini saqlab qolib, to'purarga aylandi. Menga quloq solgani — bu uning yutug'i», — dedi Kapello "Sky Sport Italia" nashriga bergan intervyusida.