«Chelsi» o'yinchilarning maoshini qisqartirmaslikka qaror qildi

«Chelsi» klubi yuzaga kelgan inqiroz tufayli jamoaning moliyaviy ahvoli haqida bayonot tarqatdi.

Londonliklar rahbariyati birinchi jamoa o'yinchilari bilan hamkorlik, klub xodimlarining ish joyini saqlab qolish va muxlislarga kompensatsiya pulini to'lab berish masalasida muzokara olib borishdi.

«Chelsi» futbolchilarga maoshlarning qisqartirilmasligini ma'lum qildi, lekin ulardan xayriya kompaniyalarida ishtirok etishni so'radi. Iqtisodiy inqiroz yanada chuqurlashib ketadigan bo'lsa, o'yinchilar bilan yangi muzokara olib borilishi mumkin.