Polsha hukumati milliy chempionatni boshlashga ruxsat berdi

Polsha chempionati 29 may kuni qayta boshlanadigan bo'ldi. Bu haqda mamlakat bosh vaziri Mateush Moravetskiy Varshavada o'tkazilgan matbuot-anjumanida xabar berdi.

O'yinchilar 4 may sanasidan mashg'ulotlarini boshlashlari mumkin. Dastlab jamoalar olti kishilik kichik guruhlarga bo'lingan holda mashqlarni boshlashadi, keyinchalik ularga to'laqonli mashg'ulotni boshlashga ruxsat beriladi.

29-31 may kunlari 27-tur o'yinlari o'tkaziladi. Uchrashuvlarga tomoshabinlar kiritilmaydi. Mavsum 18-19 iyul kuni yakunlanishi kutilmoqda. Shu bilan birga jamoalar a'zolari doimiy ravishda testdan o'tkazib turiladi.

Manba: sport24.ru