Ronaldu «Yuventus»dagi jamoadoshlariga qanday munosabatda bo'lishi oshkor bo'ldi

"Yuventus" yarim himoyachisi Aaron Remzi jamoa hujumchisi Krishtianu Ronaldu o'ziga va boshqa jamoadoshiga qanday munosabatda bo'lishini aytib o'tdi.

"Ronaldu aql bovar qilmas futbolchi bo'lishdan tashqari, u juda yaxshi inson. U futbol tarixidagi eng yaxshi o'yinchilardan biri. Men klubdagi birinchi mashg'ulotdan so'ng oshxonaga bordim. U esa meni o'z yoniga o'tirish uchun taklif qildi. Biz ko'p gaplashdik va u menda ajoyib taassurot uyg'otdi. Men darhol xotirjam bo'ldim. Ronaldu — ajoyib inson. U o'z jamoadoshlarini yaxshi ko'radi va mashg'ulotlarda hamisha to'la kuch bilan ishlaydi", — dedi Remzi "Football Italia" nashriga bergan intervyusida.