Ibrahimovich Shvetsiyada ming gektar er sotib oldi

«Milan» hujumchisi Zlatan Ibrahimovich Shvetsiyada 1000 gektar er sotib oldi. Erning bir qismi o'rmondan iborat. Bu haqda Aftonbladet xabar tarqatdi.

Futbolchi o'tgan yili — «Los-Anjeles Gelaksi»da o'ynayotgan paytdayoq ushbu xaridni amalga oshirgan edi. Er uchastkasi Persson Invest kompaniyasidan 30 mln shved kroni yoki 2,7 mln. evroga sotib olindi.

Zlatan ushbu hududda bir qancha ob'ektlarni ham xarid qilgan. Jumladan, Ibrahimovich ko'l bo'yida ov qilishga mo'ljallangan hududga ham egalik qiladi. Futbolchi baliq ovini va tabiat qo'ynida dam olishni yaxshi ko'radi.