Verner "Liverpul"ga shart qo'ydi

"RB Leyptsig" hujumchisi Timo Verner faoliyatini "Liverpul"da davom ettirishi mumkin.

Sky Sports xabariga ko'ra, 24 yoshli futbolchi agar "qizillar" Vernerning tovon puli — 60 million evroni to'lasa, klubga o'tishga tayyor.

Bundan tashqari, Verner "Liverpul" bosh murabbiyi Yurgen Kloppdan doimiy o'yin amaliyotini kafolatlashini istaydi.

Vernerning "Leyptsig" bilan shartnomasi 2023 yilgacha mo'ljallangan. Ushbu mavsumda u 36 ta o'yinda 27 ta gol urdi va 12 ta golli pas berdi.