Gabriel Jezus Braziliya aholisiga 3 tonna oziq-ovqat yubordi

«Manchester Siti» klubi va Braziliya terma jamoasi hujumchisi Gabriel Jezus koronavirus pandemiyasi paytida o'z vatandoshlariga yordam bermoqda.

23 yoshli futbolchi Braziliyaning qashshoq hududi aholisiga 3 tonna oziq-ovqat mahsulotlarini yubordi. Jezus o'z xayriyasi haqida braziliyalik qo'shiqchi Beluning kontserti paytida e'lon qildi.

Jezus efir paytida Beluga qo'ng'iroq qildi va «Intriga da Oposição» qo'shig'ini kuylab berishini so'radi hamda o'z xayriyasi haqida ma'lumot berdi.

Ikki hafta ilgari Jezus o'zi tug'ilgan San-Pauludagi Jardim tumani aholisiga 400ta savatchada oziq-ovqat mahsulotlarini taqdim etgan edi.