RPLning qolgan o'yinlari 4ta shaharda o'tkazilishi mumkin

Rossiya premer-ligasi va Rossiya futbol ittifoqi mavsumning qolgan qismini 4ta shaharda o'tkazish masalasini ko'rib chiqmoqda.

Jurnalist Sergey Egorov tarqatgan xabarga ko'ra, o'yinlar Grozniy, Krasnodar, Rostov va Sochida o'tkazilishi mumkin. Bundan tashqari, uchrashuvlar tomoshabinlarsiz o'tkaziladi.

Yaqin kunlarda ushbu g'oya o'rganib chiqiladi va tasdiqlanishi mumkin. Rossiya mavsumni 30 iyulgacha yakunlashni rejalashtirmoqda. Keyingi mavsum esa 1-2 haftadan keyin darhol start oladi.