Obameyang "Arsenal"ning azaliy raqibi safiga o'tishi mumkin

“Chelsi” klubi “Arsenal” hujumchisi Per-Emerik Obameyangga qiziqib qoldi. Bu haqda Sky Sports nashri yozmoqda.

Manbaning xabariga ko'ra, futbolchining transferini “Chelsi” bosh murabbiyi Frenk Lempardning shaxsan o'zi xohlamoqda. Lempard agar jamoa EChLga yo'llanmani qo'lga kiritsa, klub rahbariyatidan gabonlik hujumchini xarid qilishini so'ragan.

Eslatib o'tamiz, Obameyang xizmatiga shuningdek, “Inter” va Madridning “Real” klubi ham qiziqish bildirmoqda.