Ronaldu karantin o'tayotgan Madeyraga koronavirus etib bordi

Portugaliyaning Madeyra oroliga koronavirus etib bordi. Shanba kuni bu joyda kasallik chalingan 10 nafar bemor ro'yxatga olingan.

Xabaringiz bor, ushbu hududda "Yuventus" hujumchisi Krishtianu Ronalduning uyi joylashgan bo'lib, hozirda u o'z oilasi bilan shu joyda istiqomat qilmoqda.

Mahalliy hokomiyat futbolchining villasidan 20 km. uzoqlikdagi joylashgan Kamara-de-Lobush tumanini "qizil hudud" deya e'lon qildi.

Shu bois, Ronaldu orolni tark etib, Turinga qaytishi mumkin. Albatta, Italiyada ham epidemilogik vaziyat yaxshi emas, ammo klublar 4 may kuni mashg'ulotlarni boshlashni rejalashtirishgan. Xorijdan qaytadigan futbolchilar esa jamoa safiga qo'shilishdan oldin 14 kunlik karantin muddatini o'tashlari lozim.

Manba: sports.ru