«Anderlext» Nasri bilan shartnomani bekor qiladi

«Arsenal» va «Manchester Siti» klublari sobiq futbolchisi Samir Nasri «Anderlext»ni tark etadi. Futbolchi, karantin bo'lishiga qaramay, jamoa ko'rsatmalariga amal qilmagani uchun belgiyaliklar u bilan shartnomani bekor qilishdi.

Klub karantin paytida o'yinchilardan har bir harakat yuzasidan ma'lumot berib turishni so'ragan. Ammo 32 yoshli futbolchi o'zboshimchalik bilan Dubayga ketib qolgan.

Avvalroq Nasri antidoping qoidasini buzib, Los-Anjelesda vitamin davolanish kursini olgani uchun 18 oyga chetlatilgan edi.

Nasri ushbu mavsumda Belgiya chempionati doirasida 7ta uchrashuvda maydonga tushib, bitta gol urdi.