«Manchester Siti» yozgi dastlabki transferni amalga oshirdi

"Manchester Siti" klubi Peruning "Alyansa Lima" klubining 16 yoshli himoyachisi Klyuyvert Agilarni qo'lga kiritdi. Bu haqda peruliklar rasmiy sayti xabar tarqatdi.

Ushbu futbolchi o'ng qanot himoyasida o'ynaydi. U 2021 yilning yozida — voyaga etganidan keyin "shaharliklar" safiga qo'shiladi.

"Siti" Agilar uchun qancha pul to'lashi aniq emas, ammo norasmiy ma'lumotlarga qaraganda klub 2,5 million evroning "bahridan o'tgan". Shuningdek, "Alyansa Lima" o'yinchining keyingi transferidan ulush oladi.

Klyuyvert Agilar — APL klubiga qo'shilgan perulik ilk futbolchiga aylandi. Peruda buni tarixiy transfer deya baholashdi.

Manba: football24.ua