"Real" hujumchisi Madridning boshqa klubiga o'tishi mumkin

Madridning “Atletiko” klubi “Real” hujumchisi Luka Yovichni xarid qilishga tayyor, deya yozmoqda Don Balon.

Eslatib o'tamiz, serbiyalik hujumchi Zidanning rejalariga kirmayapti. “Qirollik klubi” rahbariyati futbolchini sotib yuborishga qarshi emas.

Ma'lumot uchun, transfermarkt portalida Yovichning transfer narxi 32 million evroga baholanmoqda. “Real” Yovichni o'tgan yili 60 million evroga sotib olgandi.