«Breshiya» prezidenti koronavirusga chalindi

Italiyaning «Breshiya» klubi prezidenti Massimo Chellino koronavirusga chalinganini ma'lum qildi.

«Men bir necha marta test topshirdim. Menda koronavirus borligi o'z tasdig'ini topdi. Mening qizim ushbu infektsiyaga chalingan edi. Balki, undan menga yuqqandir. Kuchli toliqish va suyaklarimda og'riq his qilgan edim», – dedi funktsioner "La Repubblica" nashriga bergan intervyusida.

Chellino 2017 yilda «Breshiya»ni sotib olgan. Jamoa ushbu mavsumda A seriya jadvalida eng so'nggi pog'onani egallab turibdi.