Odil Ahmedov «Navbahor»ga taklif etiladimi, Shomurodov Evropada o'ynab keta oladimi? Mutaxassis javob berdi
/ Kiritdi: BestMaster Ko'rilgan: 316
"Navbahor" bosh murabbiyi Andrey Kanchelskis Rossiyaning "Sport-Ekspress" nashriga intervyu berdi. Mutaxassisning o'zbek futboli, xususan, "Navbahor"ga oid qismini e'tiboringizga havola qilamiz.
— O'zbekistonda kuningiz qanday o'tyapti?
— Stol tennisi, shaxmat, shashka, narda o'ynayapmiz. O'zaro suhbatlashayapmiz. Yigitlar PlayStation, FIFA o'ynashyapti.
— Siz ham virtual futbol o'ynashni o'rgandingizmi?
— Yo'q, bu shunchaki kulgili, lekin yigitlar o'ynashyapti. Menga shaxmat o'ynash yoqadi. Yaqinda yig'in davomida bir futbolchi bilan shaxmat o'ynadim — bolalarcha mot qo'ydim. U 30 yoshda — fojia!
— Yozda Fyodor Chalov TsSKAdan «Kristal Pelas»ga o'tishga yaqin turgandi. U Angliyada qanday o'ynab ketgan bo'lardi?
— Bu o'z an'analariga ega bo'lgan Londonning munosib jamoasi. Bosh murabbiy Roy Xojson ixtiyorida yaxshi ijrochilar bor. Fyodorning o'rnida bo'lganimda APLga o'tishga rozi bo'lardim. TsSKA va APL — ikki xil olam. O'z vaqtida men tavakkal qilgan edi. Chunki Donetskda o'zimni juda yaxshi his qilardim. Ikki xonali uyim, «Volga» mashinam bor edi. Maoshim ham «MYu»dagiga nisbatan ko'p edi. Natijada tavakkalchilik o'zini oqladi.
— «Rostov»da ajoyib mavsumni o'tkazayotgan Eldor Shomurodov tavakkal qilishi kerakmi?
— Albatta. Eldor — qobiliyatli yigit. Faqat Odil Ahmedov undan oldinda bo'lishi mumkin. Odil Namangandan. Bu erda bolalar futbol maktabini ochdi, tabiiy va sun'iy qoplamali maydonlar qurib berdi. Yaqinda esa mahalliy shifoxonalarga xayriya yordamini yubordi.
— 2020 yilgi mavsum oxirida Ahmedovning «Shanxay SIPG» bilan shartnomasi yakuniga etadi. Uni «Navbahor»ga taklif etasizmi?
— (kuladi) Jamoada bitta Ahmedov (Azim) bor. Aka-ukalar juftligini yuzaga keltirishni taklif qilyapsizmi? Ko'ramiz, vaqt ko'rsatadi.
— O'zbekiston chempionati qachon boshlanishi aniq bo'ldimi?
— Ushbu masalani yaqinda videomuloqot orqali «Bunyodkor» klubi va O'zbekiston milliy terma jamoasi bosh murabbiyi Vadim Abramov, AGMK ustozi Mirjalol Qosimov, «Paxtakor» murabbiyi Shota Arveladze va federatsiya bilan birga muhokama qildik. Hozircha hech narsa aniq emas. Bizga kutishni maslahat berishdi.
— Nima deb o'ylaysiz, hali karantinda ko'p o'tiramizmi?
— Harorat +25 gradusdan yuqori bo'lganida virusning o'lishiga hamma umid qilyapti. Yozda esa bu erda kun issiq bo'ladi. Kasallik tarqalishi to'xtaganda futbol davom ettirilsa kerak.
Bosh sahifaga
198