Fergyuson Ronalduni "Real"ga emas, "Barselona"ga sotishga harakat qilganini bilasizmi?

Madridning "Real" klubi sobiq prezidenti Ramon Kalderon Krishtianu Ronalduning madridga ko'chib o'tishi bo'yicha olib borilgan muzokalarni yodga oldi.

"Ronaldu bilan muzokaralar 2007 va 2008 yillar oralig'ida davom etgan. Bu "Manchester Yunayted" bilan eng qiyin muzokara bo'lgandi. Shubhasiz, ular o'z futbolchisini yo'qotishni istashmagandi, ammo Krishtianu menga bergan so'zini bajardi. U "Real"ga kelishni xohlagandi.

Haqiqatdan ham, Fergyuson Ronalduni ketishini xohlamagandi, chunki, serga "Real" unchalik ham yoqmasdi. Aleks "Manchester Yunayted" nimaga erishishni xohlayotganini Madridda ko'rdi. Shuning uchun ham u Ronalduni "Barselona"ga tavsiya qilgandi. Ushbu imkoniyatdan kataloniyaliklar juda xursand bo'lishdi. Lekin Krishtianu o'z qarorida qat'iy turib olgandi. U Ramon Kalderon bilan "Real"ga o'tish borasida kelishuvga erishganini aytgandi", – dedi Kalderon Al Mayadeen bilan intervyusida.

Eslatib o'tamiz, Ramon Kalderon "Real" klubining prezidenti bo'lib 2006 yilning 2 iyulidan 2009 yilning 16 yanvarigacha faoliyat olib borgan.