Pedro «Roma» a'zosiga aylanishi mumkin

«Chelsi» yarim himoyachisi Pedro Rodrigesga «Roma» rahbariyati qiziqish bildirmoqda. Bu haqda "Daily Mail" xabar tarqatdi.

Manbaga ko'ra, rimliklar yozgi transfer paytida 32 yoshli futbolchini qo'lga kiritishni istashmoqda. Bundan tashqari, Pedroga ispan klublaridan ham takliflar bor. Shu bois, u hozircha faoliyatini qaerda davom ettirish borasida hali bir qarorga kelmadi.

Ispaniyalik futbolchi 2015 yilda "Chelsi"ga o'tgan edi. Londonliklar uni 27 million evro evaziga «Barselona»dan xarid qilishgan edi.

Avvalroq Pedro «Chelsi» bilan yangi shartnoma borasida kelisha olmagani haqida xabar tarqalgan edi. Shu bois, u yozda jamoani erkin agent sifatida tark etadi.