UEFA «Atletiko» uchun EChL yo'llanmasini «sovg'a» qilmoqchi

Ispaniyada mavsum muddatidan oldin yakunlanadigan bo'lsa, Madridning "Atletiko" klubi jadvalda 6-o'rinni egallab turganiga qaramay, kelasi mavsumda Evropa chemiponlar ligasida ishtirok etishi mumkin.

"COPE" tarqatgan xabarga ko'ra, UEFA Diego Simeone jamoasiga to'g'ridan-to'g'ri guruh bosqichi yo'llanmasini "sovg'a" qilishi mumkin. "Matraschilar" 2014 va 2016 yillarda EChL finalida ishtirok etishgani bois, tashkilot "Atletiko"ga shunday "marhamat" ko'rsatmoqchi.

Bunday holatda Ispaniyadan 5ta jamoa ishtirok etadimi yoki madridliklar La liganing boshqa jamoasi o'rnini egallaydimi — bu haqda manbada ma'lumot berilmagan.

Boz ustiga, "Atletiko" Chempionlar ligasining ushbu mavsumida nimchorak finalda "Liverpul"ni mag'lub etib, chorak finalga chiqdi. Jamoa chempionlikni qo'lga kiritsa, shundoq ham kelasi mavsumning guruh bosqichi uchun yo'llanmaga ega bo'ladi.