«Liverpul» «Inter» futbolchisining agenti bilan muzokaralarni boshladi

Italiyaning «Inter» klubi yarim himoyachisi Martselo Brozovichga Angliyaning «Liverpul» klubi jiddiy qiziqish bildirmoqda.

Libero portalining tarqatgan ma'lumotiga qaraganda, "qizillar" rahbariyati xorvatiyalik futbolchining agenti bilan uchrashdi va muzokaralarni boshladi.

Avvalroq, Brozovichga Madridning «Real» klubi qiziqish bildirayotgani haqida xabarlar tarqatilgandi.

27 yoshli xorvatiyalik futbolchi «Inter» safiga 2015 yilning yanvar oyida Zagrebning «Dinamo» jamoasidan kelgandi.

Brozovichning «neradzurrilar» bilan shartnomasi 2022 yilning yozigacha amal qiladi. Uning shartnomasiga tovon puli Italiyalik bo'lmagan klublar uchun 60 million evro etib belgilangan.