"Napoli" futbolchisi yozda jamoasini o'zgartirmoqchi

Calciomercato portalining tarqatgan ma'lumotiga qaraganda, Italiyaning "Napoli" klubi markaziy yarim himoyachisi Allan yozda jamoasini almashtirish niyatida.

"Napoli"ga Jennaro Gattuzo bosh murabbiy bo'lib kelganidan keyin braziliyalik futbolchi asosiy tarkibdagi o'yinini yo'qotib qo'ydi.

Qayd etish kerakki, Allanning "Napoli" klubi bilan 2023 yilning yozigacha shartnomasi mavjud. Unga hozirgi paytda Angliyaning "Everton" klubi qiziqish bildirmoqda.