Maskerano: «Messi – o'zga sayyoralik»

Kataloniyaning «Barselona» klubi sobiq himoyachisi Xaver Maskerano «ko'k-anorranglilar» sardori Lionel Messi haqida navbatdagi iliq fikrlarni bildirdi.

«Har safar Leo haqida gapirsam ham, baribir bir xil fikrni qaytaraveraman. Futbolda qaror qabul qilish va mahoratni ishga solish muhimdir. Ko'p futbolchilar to'g'ri qaror qabul qilishadi, lekin ularni maydonda yaxshi tarzda amalga oshira olmaydilar. Messi esa ikkalasiga ham qodir.

Bundan tashqari, Leo o'yinni qanday nazorat qilishni biladi va bu unga bir o'yinda etti, sakkiz va to'qqiz marotaba golga tortadigan vaziyatlarni sodir etishga imkon beradi.

U o'yinda ustunlik qilish qobiliyatiga ega, odatda esa o'yin futbolchilardan ustunlik qiladi. Biz har xil narsalarni amalga oshiramiz, chunki, raqib yoki o'yin jarayoni bizni ularni bajarishga majbur qiladi.

Messida esa hammasi o'zgacha: u o'yinni nima qilish yoki qilmaslik kerakligini biladi. Shu sababli, Messi – o'zga sayyoralik», – dedi Maskerano.