"Atletiko" sobiq murabbiyi: «Matbuot bosim o'tkazamaganida Agueroni o'rinbosarlar safiga o'tkazib yuborardim»

Madridning «Atletiko» klubi sobiq bosh murabbiyi Xaver Agirre VVS bilan intervyuda Serxio Aguero faoliyatini madridda qanday boshlaganini xotirladi.

«Juda yaxshi eslayman, u 17 yoshida jamoaga kelgan edi. Serxio katta shaharda yolg'iz edi. Uning uchun 20 million evro to'langan edi. Men rahbariyat uning transferi bilan noto'g'ri hisoblashayotganidan xavotirda edim.

Aguero barchasini noldan boshlashi kerak edi. Mavsum boshidayoq jismoniy tayyorgarlik bo'yicha u muammolarga duch keldi. Men Serxioni o'rinbosarlar tarkibiga o'tkazishni rejalashtirayotgandim, ammo matbuot menga juda katta bosim o'tkazdi.

U to'p bilan muomala qila boshlaganida, unga teng keladigan yo'q edi. Ammo, to'psiz qolganida maydonda nimalar bo'layotganini kuzatardi. Biz uning muhim o'yinchi ekanligini payqagandik. Ayniqsa bu, u jarima maydonchasiga yorib kirganida yaqqol namoyon bo'ldi», — dedi Xaver Agirre.