«Dinamo» nazorat o'yinida «Sherdor»dan ustun keldi

“Dinamo” jamoasining yangi mavsumga tayyorgarlik doirasidagi ikkinchi yig'ini davom etmoqda.

Jamoa kuniga ikki mahaldan mashg'ulotlar olib bormoqda. Kecha Jomboydagi o'yingohda “Dinamo” “Sherdor”ga qarshi sinov-nazorat bahsida maydonga tushdi. Uchrashuvda “Dinamo” vakillari 3:2 hisobida g'alaba qozondi.

Davron Fayziev qo'l ostida o'tayotgan mashg'ulotlar 18 yanvar kunigacha o'tkazildi, endi yig'in Toshkentda davom ettirilishi rejalashtirilgan.

Jamoa 21 yanvardan boshlab poytaxtda yig'in boshlaydi. Rejaga ko'ra, Toshkentdagi yig'in davomida 3 ta nazorat o'yini tashkil etiladi. Samarqandliklar Toshkentda 3 fevralga qadar shug'ullanishadi.