Odil Ahmedov: «Krasnodar» chempion bo'lishga haqli»
/ Kiritdi: BestMaster Ko'rilgan: 237
«Shanxay SIPG» yarim himoyachisi Odil Ahmedov sport24.ru saytiga bergan intervyusida Rossiyadagi faoliyatini yodga oldi.
— Men Galitskiyni hurmat qilaman, u juda kamtar inson. U bilan gaplashsangiz, uni milliarder inson yoki futbol klubi xo'jayini deb o'ylamaymiz. Birinchi uchrashuvda Galitskiy menga "Siz" deb murojaat qilgan. Shunday darajadagi insonning "Siz" deb murojaat qilishi... Juda yoqimli bo'lgan edi. Umuman olganda, «Krasnodar» Galitskiy uchun ham chempion bo'lishi kerak. U bunga munosib.
Kerimovni ham Galitskiy bilan taqqoslash mumkin, lekin u futbolni u qadar sevmas edi. Ammo «Anji» va futbolchilar uchun ko'p narsa qildi. Hech qanday muammo yo'q edi. U bilan ko'p ko'rishmasdik, lekin Kerimov bir marta meni kechki ovqatga taklif qilgan edi. Galitskiy esa deyarli har kuni klub bilan birga, barchani yaxshi biladi. Futbolchilardan tortib xodimlargacha.
— Xalk bilan Rossiyadagi faoliyatni eslab turasizlarmi?
– Ha, u Rossiyani sog'inayotganini aytadi. Ayniqsa, Sankt-Peterburg go'zalligini. Shahar uning qalbiga o'tirgan. Agar haddan tashqari kech bo'lib ketmasa, Rossiya premer-ligasi o'yinlarini tomosha qilaman. Har holda Rossiyada 6 yil o'ynadim.
– Xitoydagi birorta stadionni Krasnodardagi arena bilan taqqoslay olasizmi?
– Yo'q. Xitoydagi stadionlar yuqori darajada emas. Hech bir stadion «Krasnodar»dagi arena bilan bir xil darajada emas.