Odil Ahmedov: «Smolov «Lokomotiv»dan ketib to'g'ri qildi»

«Shanxay SIPG» yarim himoyachisi Odil Ahmedov Moskvaning «Lokomotiv» klubidan «Selta»ga o'tgan Fyodor Smolov haqida o'z fikrini bildirib o'tdi.

— Jahon chempionatidan oldin Fyodor Smolovda kuchliroq jamoalarga o'tish imkoniyati bor edi. Ammo u «Selta» variantini tanladi...
— Hamma narsaning o'z vaqti bor. U "Loko"dan ketib to'g'ri qildi. Ishonchim komil, Fedya «Krasnodar»da bo'lgani kabi yaxshi o'yin namoyish qiladi. U Ispaniyada ham gollar uradi deb o'ylayman. Buning uchun unda iqtidor etarli.