«PSJ» o'yinchisi: «Neymar Xolandning ustidan kulishni avvaldan rejalashtirgan edi»
/ Kiritdi: BestMaster Ko'rilgan: 314
"PSJ" himoyachisi Markinos Evropa chempionlar ligasi nimchorak final bosqichi javob o'yini doirasida bo'lib o'tgan "Borussiya"ga qarshi o'yinda Neymarning raqib hujumchisi Erling Xolandning ustidan kulgani borasida o'z fikrini bildirib o'tdi.
"Neymar oldindan Xolandning ustidan kulmoqchi ekani borasida ogohlantirgan edi. U buni avvaldan rejalashtirgan edi. Dortmundda bo'lib o'tgan dastlabki o'yinda "Borussiya" g'alaba qozongani uchun stadion tunnelida raqib o'yinchilari bizning ustimizdan kulgan edi.
Neymar bunday holatga javob qaytarishni yaxshi ko'radi. U qo'rqmaydi va provakatsiyaga javob qaytaradi. U javob bahsida gol urdi va shundan so'ng men undan nimanidir rejalashtirganini so'radim. U esa o'yin so'ngini kutishni aytdi" - dedi Markinos.
Eslatib o'tamiz, hakamning final hushtagidan so'ng parijliklar Xoland uslubida erga o'tirgan holda jamoaviy tarzda g'alabani nishonlashdi.