Rakitich: «Men bir qop kartoshka emasman, o'z taqdirimni o'zim hal qilaman»

«Barselona» yarim himoyachisi Ivan Rakitich o'zining jamoani tark etishi mumkinligi yoxud Lautaro Martines («Inter») yoki Neymar («PSJ») transferlari doirasida narigi jamoalarga berib yuborilishi mumkinligi haqida xabarlarga o'z munosabatini bildirdi.

«Men bir qop kartoshka emasman, o'z taqdirimni o'zim hal qilaman. Meni sevadigan va hurmat qiladigan jamoa safida bo'lishni istayman. Agar "Barsa" safida qolsam — bu ajoyib, unday bo'lmasa, qaerda o'ynashni o'zim hal qilaman», – dedi xorvatiyalik futbolchi.

Ivan Rakitichning "ko'k-anorranglilar" bilan shartnomasi 2021 yilda yakuniga etadi.