Jasur Yaxshiboev — yangi Mahrezmi?

Rossiyaning "Sovetskiy Sport" nashri Belarus chempionatida o'ynayotgan iqtidorli futbolchilarga ahamiyat qaratib, ularni Rossiya klublariga tavsiya qildi. Ular orasida "Energetik-BGU" forvardi Jasur Yaxshiboev ham bor.

Nashr o'zbekistonlik futbolchi haqida quyidagilarni yozdi:

"O'zbekistonlik legioner, mavsumning asosiy kashfiyotiga aylandi. U «Energetik» safiga ijara asosida «Paxtakor»dan keldi. U mavsumoldi yig'inlarning asosiy qismini o'tkazib yuborgan bo'lsa-da (O'zbekiston olimpiya terma jamoasi safida Osiyo chempionatida ishtirok etdi), mavsumni ajoyib boshladi.

Yaxshiboev – klassik qanot hujumchisi. Tezkor, texnikasi yaxshi, qo'rqmasdan raqiblarni aldashga kirishadi, to'pni yaxshi ushlaydi, har ikkala qanotdan markaz tomon surilib, darvoza tomon zarba beradi. Bundan tashqari, u sovuqqon. BATEga qarshi bo'lib o'tgan dastlabki o'yinda raqib himoyachilari va darvozabonini birin-ketin aldab o'tib, bo'sh qolgan darvozaga to'pni joyladi.

Bundan tashqari, Yaxshiboev – faqat o'zini o'ylaydigan futbolchi emas. U maydonni yaxshi ko'radi. Raqib himoyachilari ortiga uzatma bera oladi, sheriklari bilan "devor" o'ynay oladi. Standartlardan aniq uzatma beradi. «Rux»ga qarshi o'yinda (1:0) uning uzatmasidan keyin himoyachi Daniil Miroshnikov g'alaba to'pini kiritdi.

Jasurbek jamoasining 6ta golidan 5tasida bevosita ishtirok etdi. Dastlabki 3ta turda markaziy hujumchi vazifasida o'ynagan bo'lsa-da, unga qanotlarda bo'sh hududni qidirish ko'proq yoqishi ko'rinib turibdi.

Kimdir uni yangi Riyod Mahrez deb atay boshladi. RPL klublari, ushbu iqtidor egasiga ahamiyat qarating!"