Ta'ziya! "Chelsi" afsonasi vafot etdi

"Chelsi" klub afsonasi, sobiq darvozabon Piter Bonettining vafot etganini xabar qildi.

Bonetti 78 yoshida uzoq davom etgan kasallikdan so'ng vafot etgan.

Piter 1960–1975, shuningdek, 1976–1979 yillarda London klubi safida o'ynagan. Bu vaqtda u 729 ta o'yinda maydonga tushib, bu borada klub tarixida ikkinchi natijani qayd etgan.

Shuningdek, Bonetti 1966 yilda Angliya terma jamoasi safida jahon chempioni bo'lgan.