"Tottenxem" Mourino tufayli futbolchisidan ayrilishi mumkin

"Tottenxem" yarimhimoyachisi Tangi Ndombele kelasi yozda jamoani tark etishi mumkin.

Lequipe xabariga ko'ra, 23 yoshli frantsiyalik mutaxassis jamoa bosh murabbiyi Joze Mourino bilan kelisha olmayapti. Futbolchiga karantinni buzgan holda mashg'ulot o'tkazish kerakligi yoqmadi.

"Tottenxem" Ndombeleni 2019 yil yozida 60 million evroga sotib olgandi. Uning klub bilan shartnomasi 2025 yil yozigacha mo'ljallangan.

Ushbu mavsumda Ndombele 27 ta o'yinda 2 ta gol va 4 ta golli uzatmani amalga oshirdi.