"Real" futbolchisi: "Messi — biz uchun qo'llanma"

"Malorka"da ijarada o'ynayotgan "Real" futbolchisi Takefusa Kubo "Barselona" sardori Lionel Messi haqida gapirdi.

Eslatib o'tamiz, Kubo 2011 yildan 2015 yilgacha "Barselona" tarkibida bo'lgan.

"Biz shaxsan tanish emasmiz, lekin Messi professional futbolchi bo'lishni istagan yoshlar uchun ham, yosh futbolchilar uchun ham qo'llanma. Bolaligimda uning ishtirokidagi ko'plab videolarni ko'rdim. U ajoyib o'yinchi.

Messi men uchun va bo'yi kalta, driblingi zo'r va to'pni nazorat qilish qobiliyatiga ega bo'lgan chap oyoqli o'yinchilar uchun qo'llanma», — dedi Kubo.