"Milan" va "Yuventus" futbolchi almashishi mumkin

Turinning “Yuventus” klubi “Milan” yarim himoyachisi Lukas Paketa bilan shartnoma imzolamoqchi. Bu haqda Calciomercato nashri yozmoqda.

Manbaning xabariga ko'ra, turinliklar qishki transfer vaqtida ham Paketani olib kelishga harakat qilishgan edi. “Milan” futbolchini qo'yib yuborishga qarshi emas, ammo “rossonerilar” Paketa o'rniga “Yuve” yarim himoyachisi Federiko Bernardeskini so'ramoqda.

Eslatib o'tamiz, Bernardeskiga shuningdek, “Barselona” ham qiziqish bildirmoqda.