Italiya hukumati 2021 yilgacha o'yinlarni muxlislar bilan o'tkazishni taqiqlaydi

Koronavirus pandemiyasi tufayli to'xtab qolgan Italiya chempionati davom ettiriladigan bo'lsa, uchrashuvlar muxlislarsiz o'tkaziladi.

Italiya hukumati 2021 yilning yanvar oyiga qadar stadionlarga ishqibozlarning kirishini taqiqlash haqida qaror tayyorlayapti. Bu haqida jurnalist Tankredi Palmeri o'zining Tvitterdagi sahifasi orqali xabar tarqatdi.

Italiyada karantin muddati 3 maygacha belgilangan. Jamoalar 4 may kunidan mashg'ulotlarga kirishishmoqchi. 31 may kuni esa A seriya o'yinlari qayta davom ettiriladi. Mavsum esa avgust oyida yakunlanishi rejalashtirilgan.