Mayk Tayson: "MMA yakkakurashchilariga munosib haq to'lanmaydi"

Boks bo'yicha og'ir vazn sobiq mutlaq chempioni Mayk Tayson MMA yakkakurashchilari qilgan mehnatiga yarasha juda kam mablag' topishini aytdi.

"Aralash yakkakurashlarda tomoshabin soni boksdagidan ko'proq. Biroq bokschilar har doim MMA jangchilariga qaraganda ko'proq pul topadi. Nega bunday bo'layotganini tushuntirish qiyin. Bunda hech qanday ma'no yo'q. Tushuntirib bera olmayman.

Biroq fikrimcha, MMA yakkakurashchilariga munosib haq to'lanmaydi. Ularda janglar tomoshabob va ehtirosli. Biroq jangchilarga haqiqatda juda kam to'lashadi", — deydi Tayson.