Ferdinand Ronalduga qarshi o'yin haqida: "Havo etishmay qolgandi"

«Manchester Yunayted»ning sobiq futbolchisi Rio Ferdinand Krishtanu Ronalduga qarshi kechgan o'yin haqida gapirdi.

2003 yilda «MYu» "Sporting" bilan o'rtoqlik o'yini o'tkazgan, o'shanda Ronaldu portugal klubi safida edi. Shu o'yindan keyin Manchester klubi Krishtianuni 12,24 mln funtga sotib olgan.

«Bu bizga Ronaldu kim ekanligini ko'rsatgan ajoyib tarix. «MYu» o'shanda Ronaldinoni sotib ololmagan, tushkun holda edi. Biz «Sporting»ga qarshi birinchi bo'limni o'tkazdik. Tanaffusda kiyim almashtirish xonasida Ronalduga qarshi o'ynagan Jon O`Shining ahvoli yomonlashib qoldi. Unga havo etishmas, ko'p yugurganidan hansirab qolgandi, hatto bizga javob ham qaytara olmadi.

O'yindan keyin avtobus yarim soatga kechikdi. Jamoa sababini tushunmadi, o'shanda klub rahbariyati Ronalduning transferini hal qilayotganini bilmasdik. Biz o'shandayoq uning eng yaxshilardan biri ekanligini tushungandik.

Ronaldu men ko'rgan futbolchilar ichida atrofida kerakli mutaxassislarni jamlagan birinchi futbolchi edi. Men uning ro'parasida yashardim, mehmonga borib turardim. Bir marta undan "Bu odamlar uyingda nima qilyapti?" deb so'radim. Shunda u: «Bu fizioterapevt, bu massajchi, bu dietolog», dedi. U o'zi uchun katta sarmoya ajratgan, chunki ko'p narsani bilardi", dedi Ferdinand.

Manba: sport24.ru