«PSJ» Neymarning maoshini 2 baravar qisqartirmoqchi

Frantsiya professional futbolchilar assotsiatsiyasi (UNFP) Iqtisod va moliya vazirligi bilan birgalikda koronavirus pandemiyasi tufayli mavsumning to'xtab qolgan qismida Liga 1 o'yinchilarining maoshini qisqartirish borasida tavsiya ishlab chiqdi.

Oylik maoshi 10-20 ming evroga teng bo'lgan futbolchilarning daromadi 20%ga, oylik maoshi 20-50 ming evro bo'lgan o'yinchilarning maoshi 30%ga, maoshi 50-100 ming evroga teng futbolchilarning daromadi 40%gacha qisqartirilishi mumkin.

Frantsiya chempionatining eng ko'p maosh oladigan futbolchisi «PSJ» hujumchisi Neymar bo'lib, uning maoshini teng ikkiga kamaytirish tavsiya qilinmoqda.

Ushbu tavsiya oylik maoshi 10 ming evrodan kam futbolchilarga taalluqli bo'lmaydi. "France Football" tarqatgan ma'lumotlarga qaraganda, Neymarning yillik maoshi 31,6 million evroga teng.