«MYu» o'z stadioni va avtoparkini sog'liqni saqlash xizmatiga taqdim etadi

«Manchester Yunayted» klubi koronavirus pandemiyasi paytida o'z yordamini Sog'liqni saqlash milliy xizmati (NHS) taklif qildi.

Klub rasmiy sayti tarqatgan xabarga ko'ra, «MYu» o'z stadioni «Old Trafford» va  16ta avtobildan iborat avtoparkni NHS'ga taqdim etadi. Shuningdek, klub tibbiy jihozlar va himoya vositalari xayriya qiladi.

«MYu» stadionida vaqtinchalik qon quyish stantsiyasi tashkil etiladi. Hozirda, shuningdek, «Old Trafford»dan oziq-ovqat mahsulotlari ombori sifatida foydalanilmoqda.