Klopp "Borussiya"da nega Maneni sotib olmagan?

"Liverpul" bosh murabbiyi Yurgen Klopp bir necha yil oldin Sadio Mane Dortmundning "Borussiya"siga nega o'tmagani haqida gapirdi.

"Men Maneni birinchi marta ko'rganimda, u repperga o'xshardi. Keyin men o'zimga u bilan gaplashishga vaqtim yo'qligini aytdim. Qolaversa, bizda kuchli jamoa bor edi va menga rotatsion o'yinchi kerak edi.

Ammo vaqt fikrim noto'g'ri ekanligini ko'rsatdi. Sadio "Zaltsburg"da yaxshi o'ynadi, keyin esa "Sautgempton"da ham juda zo'r edi", deydi Klopp.

Ushbu mavsumda 27 yoshli Mane "Liverpul" tarkibida barcha turnirlarda 38 ta o'yin o'tkazdi, 18 ta gol urdi va 12 ta golli pas berdi.