La liga rahbari mavsumni boshlashning 3ta sanasini aytdi
/ Kiritdi: BestMaster Ko'rilgan: 240
La liga prezidenti Xaver Tebas mavsumni qayta boshlash uchun 3ta sana ko'rib chiqilayotganini ma'lum qildi. Eslatib o'tamiz, koronavirus pandemiyasi tufayli Evropada futbol musobaqalari to'xtab qolgan.
«UEFA bilan birgalikda mavsumni davom ettirishning turli variantlarini ko'rib chiqyapmiz. Katta ehtimol bilan mavsum quyidagi 3ta sananing birida qayta boshlanadi — 28 may, 6 iyun yoki 28 iyun.
Lekin hozircha aniq sanani ayta olmaymiz. Ispaniya hukumatidan ruxsat tegishi kerak. Ammo mashg'ulotlarni boshlash uchun vaqt bor.
Agar vaziyatni iqtisodiy jihatdan baholaydigan bo'lsak, mavsumni davom ettirmaslik natijasida ispan klublari 1 mlrd evro miqdorida zarar ko'rishadi. Agar tomoshabinlarsiz o'ynaydigan bo'lsak, ushbu miqdor 300 mln evroga teng bo'ladi. Agar muxlislar bilan o'ynaydigan bo'lsak, ushbu vaziyatdagi zarar 150 mln evroga teng bo'ladi», — dedi Tebas.
Bosh sahifaga
783