Shmeyxel: «MYu» De Xea haqida qaror qabul qilishga shoshilmasligi kerak»

Angliyaning «Manchester Yunayted» klubi afsonaviy darvozaboni Peter Shmeyxel «qizil iblislar»ning David De Xeani Din Xendersonga almashtirish istagiga munosabat bildirdi.

2016 yili «Manchester Yunayted» tarbiyalanuvchisi Din Xenderson asosiy jamoadan joy olishi mumkin edi. U hali o'sha paytda APLda "MYu"ning asosiy tarkibda o'ynamagandi, biroq, u ijaraga berib yuborilganidan so'ng, yaxshi o'ynashni boshlagandi. Hozirda u «Sheffild Yunayted» klubi sharafini himoya qilmoqda.

«Men Xendersonning iqtidoriga shubha qilmayman, lekin u hali De Xeadan kuchli ekanligini isbotlashi kerak. Tushunmayapsizmi, 1-2 ta mavsumni yaxshi o'tkazganidan keyin, muvaffaqiyatsiz davrlar boshlanishi mumkin. Biz barqarorlikni ko'rishimiz kerak», — dedi Shmeyxel.