AQSh adliya vazirligi Rossiyani JCh-2018 mezbonligini pora evaziga qo'lga kiritganlikda aybladi
/ Kiritdi: BestMaster Ko'rilgan: 203
AQSh adliya vazirligi bayonot tarqatib, Rossiya va Qatar mamlakatlari 2018 va 2022 yilgi jahon chempionati mezbonligi uchun kurashda FIFA Ijroqo'mi a'zolariga pora berganini ma'lum qildi.
Ma'lumotlarga qaraganda, FIFAning sobiq vitse-prezidenti Jek Uorner (Trinidad va Tobago) o'z ovozini Rossiyaga berish uchun sotib olingan. Shuningdek, Gvatemala vakili Rafael Salgeroga pora taklif etilgan.
JCh-2022 mezbonini aniqlashda esa Braziliya futbol konfederatsiyasi sobiq prezidenti Rikardo Teysheyra, Janubiy Amerika futbol konfederatsiyasi sobiq prezidenti Nikolas Leos (Paragvay) va nomi aytilmagan yana bir a'zo pora olishgan.
Hisobotga ko'ra, Jek Uornerga 5 mln dollar, Salgeroga esa 1 mln dollar berilgan. Uornerga taklif etilgan summa 20dan ortiq o'tkazma orqali yuborilgan. Ushbu pullar Kipr va Britaniya Virjiniya orollarida ro'yxatdan o'tgan offshor kompaniyalari hisob-raqamiga o'tkazilgan.
Eslatib o'tamiz, Uorner 2015 yilda har qanday futbol faoliyatidan umrbod chetlatilgan.