Vidukaning "MYu"ga o'tishiga Elton Jonning so'zlari to'sqinlik qilganmi?

Angliyaning «Lids» va Avstraliya terma jamoasi sobiq hujumchisi Mark Viduka "MYu" bilan olib borgan yashirin muzokarasini qo'shiqchi Elton Jon barchaga aytib berganini yashirmadi.

Avstraliya terma jamoasining sobiq sardori Mark Viduka 2000 yildan 2004 yilgacha «Lids» klubi safida o'ynagan. U o'sha paytdagi "Manchester Yunayted" klubi bosh murabbiyi Aleks Fergyusonning asosiy nishoniga aylangandi.

Viduka «qizil iblislar» bilan muzokara olib borish uchun Manchester shahriga borgan va undan keyin Elton Djonning kontsertiga tashrif buyurgan.

«O'sha paytda Elton Djon bilan ko'p ishlarni amalga oshirgan agentim bilan Manchester shahriga borgandim. Men qo'shiqchi bilan shaxsan uchrashganman va "MYu" bilan muzokara olib borayotganimni aytganman.

Keyinroq sahnada Djon: «Keyingi qo'shig'imni muhim qaror qabul qilish uchun Manchester shahriga klegan Mark Vidukaga bag'ishlayman»-degandi. O'shanda barchasi tugadi deb o'ylaganman», — deya xotirladi Viduka.