Pato degan futbolchi yodingizdami? U Evropaga qaytmoqchi

Italiyaning "Milan" klubi sobiq hujumchisi Aleshandre Pato yaqin vaqtlar ichida Evropaning top chempionatiga qaytish niyatida ekanligini bildirdi.

Aleshandre Pato Xitoyning «Tyantszin Tyanxay» klubi bilan 2019 yilning mart oyida shartnomasini bekor qilish uchun 2,9 million evro to'lagandi. Shundan so'ng, u Braziliyaning «San-Paulu» klubi bilan uch yillik shartnoma imzolagandi.

Garchi, Pato 24 ta o'yinda 6 ta gol kiritgan bo'lsada, Pato muxlislar orasida mashhur.

Pato bir paytlar «Milan»da o'ynagan va katta yulduzga aylangandi. Futbolchi hozirgi kunda «San-Siro»ga qaytishga qarshi emas.

«Men Evropaga qaytishni xohlayman. Bu yil men Libertadores Kubogini qo'lga kiritdim. Menda barchasi joyida. Hozir otni ustidaman. «Milan»ga qaytishim mumkinligini istisno qilmayman. Buni juda xohlayman», — dedi Aleshandre Pato.