Rasman. Toni Fergyuson uchun Habib o'rniga boshqa raqib topildi

Endi rasman. UFC-249 turnirining markaziy jangida Toni Fergyuson va Jastin Getji o'zaro oktagonga chiqadi. Engil vazn reytinglarida yuqorilagan Getji ushbu jangda Habib Nurmagomedovning o'rnini egallaydi.

Shu tariqa, Habib - Toni jangi 5-bor bekor qilindi, bu mutloq rekord. Bu safar sabab koronavirus bo'ldi va Habibning Rossiyadan Amerikaga etib kela olmasligi.

Jastin Getji ochiq jang tarafdori, Tonida ham shu printsip. To'qnashuv juda keskin bo'lishi kutilmoqda.

G'olibga engil vazn toifasi vaqtinchalik chempioni kamari beriladi. Asosiy chempionlikni Nurmagomedov saqlab qoladi.

Eng qizig'i, UFC hamon jang o'tkaziladigan arena, shahar, va hatto mamlakatni e'lon qilgani yo'q.