Del Boske: «Neymar — ajoyib o'yinchi, lekin u ko'p xiyla ishlatadi, simulyatsiya qiladi»

«Real» klubi va Ispaniya terma jamoasi sobiq bosh murabbiyi Visente del Boske «PSJ» hujumchisi Neymar haqida o'z fikrini bildirib o'tdi.

«U murakkab inson. Men uni ajoyib o'yinchi deb hisoblayman. Agar besh kishidan iborat jahonning eng yaxshi futbolchilari ro'yxatini tuzganimda, u bu ro'yxatga kirgan bo'lardi. Ammo maydonda u xiyla ishlatadi, ko'p simulyatsiya qiladi. Uning «Barselona»dan ketishi esa...

U bilan shartnoma imzolash masalasini esa klublarning o'zlari hal qilishadi. Biz futbolchilar nima deyotganiga ahamiyat bermasligimiz kerak. Chunki, klublarning sport ishlari bo'yicha direktorlari o'z ishlari bilan shug'ullanishadi. O'yinchilar sobiq jamoadoshlari haqida yomon so'z aytishmaydi. Bunday ish qilganlarni eslay olmayman», — dedi del Boske "Mundo Deportivo" nashriga bergan intervyusida.