Serbiya terma jamoasi futbolchisi uch oylik uy qamog'iga olindi

Saudiya Arabistonining "Al Ittihod" klubi a'zosi va Serbiya terma jamoasi futbolchisi Aleksandar Priyovich komendantlik soatini buzgani uchun uch oylik uy qamog'iga olindi deya xabar bermoqda AR.

Eslatib o'tamiz, Priyovich Belgrad shahridagi mehmonxonalarning biridagi restoranda soat 17:00dan keyin qo'lga olingandi. Qayd etilishicha, futbolchi o'z aybiga iqror bo'lgan. Komendatlik soatini buzganlar uchun uch yil muddatga hibsga olinish ehtimoli bor.

Serbiya o'z chegaralarini to'laligicha yopib qo'ygan, soat 17:00dan 05:00ga qadar mamlakatda favqulodda holat va komendantlik soati belgilangan.

Parlament saylovlari bekor qilindi, shaharlararo avtobus va temiryo'l qatnovlari to'xtatib qo'yildi. 65 yoshdan oshgan insonlarning ko'chaga chiqishi taqiqlanadi.