Bilasizmi? Tojikiston chempionatida 20 nafar o'zbekistonlik o'yinchi bor

Bugundan Tojikiston chempionatiga start beriladi. Koronavirus pandemiyasi tufayli ushbu musobaqa to'xtatilmadi, ammo u muxlislarsiz o'tkaziladi.

Ma'lumotlarga qaraganda, qo'shni mamlakat klublarida 20 nafar o'zbekistonlik futbolchi ro'yxatdan o'tkazilgan. Jumladan, 4 nafar hamyurtimiz "Xo'jand" sharafini himoya qiladi.

Xo'jandliklar darvozaboni Ma'mur Ikromov koronavirus tufayli o'z yaqinlaridan xavotir olayotganini ma'lum qildi.

"Qalbim xotirjam emas. O'z vatandoshlarim, oilam va yaqinlarimdan xavotir olyapman. O'zbekistonda koronavirusga chalinganlar soni 200dan oshib ketdi", — dedi Ikromov.