Xakimining agenti: «Real» bilan yangi shartnoma imzolashga hech qanday asos yo'q»

Faoliyatini ijara asosida Dortmundning "Borussiya" klubida davom ettirayotgan Ashraf Xakimining agenti Alexandro Kamano "Real" bilan yangi shartnoma borasida hech qanday muzokaralar olib borilmaganini tasdiqladi.

Avvalroq, huquqiy jihatdan "Real"ga tegishli bo'lgan 21 yoshli marokashlik futbolchi "Qirollik klubi" bilan yangi shartnoma imzolagani haqida xabarlar tarqatilgandi.

«Bunga hech qanday asoslar yo'q. «Real» klubi bilan tuzilgan 2017 yildagi shartnoma hali ham o'z kuchiga ega va 2022 yilgacha davom etadi. Hozir faqat kutish kerak. Hozirgi qiyin vaziyatdan (koronavirus pandemiyasi-muallif) keyin «Real» va «Borussiya» klublari bilan muzokaralarni boshlaymiz, – Kamanoning so'zlaridan iqtibos keltirmoqda Spox.