«Real» futbolchisini «Arsenal» va «Borussiya»da kutishmoqda

Madridning "Real" klubining yoshlar jamoasi a'zosi Sezar Gelabertga Dortmundning «Borussiya» va Londonning «Arsenal» klublari jiddiy qiziqish bildirishmoqda.

AS nashrining tarqatgan ma'lumotiga qaraganda, "Real" klubi o'zining 19 yoshli futbolchisi uchun takliflarni ko'rib chiqishga va muzokara o'tkazishga qarshi emas.

E'tiborli tomoni shundaki, avvalroq Frantsiyaning "Lion" klubi rahbariyati o'z safiga Gelabertni qo'shib olish uchun "Real" klubiga taklif yuborgan, lekin "Qirollik klubi" rahbariyati bu taklifga rad javob bergandi.

Sezar Gelabertning "Real" klubi bilan tuzgan shartnomasi yakuniga etishiga bir yildan sal ortiqroq vaqt qoldi. U joriy mavsumda «Kastilya»da 13 ta o'yin o'tkazishga va bitta gol kiritishga ulgurdi.